Me ek maa hu… Log mujhe “Bharat Mata” kehte hai.

Bhot Khushi hoti hai yeah dekh jab mere bacche Jhanda Vandan 🇮🇳 karte hai. Rashtriya Gan gaate hai. Jai Hind ke nare lagate hai meri Jai Jai kar karte hai. Sir Garv se uncha ho Jata hai jab mere bacche Jaan daav pe Laga kar meri “Seema ki raksha” karte hai. Khushi se ankhen bhar aati hai jab mere bacche “Anna utpan” karte hai. Meri khushiyon ki seema nahi hoti jab Desh Videsh me Naam roshan karte hai.

Wahi dusri aur mera dil rota hai jab mere bacche “Jaat paat Dharam” ke naam pe aapas me ladte hai. Jis desh me Bharat Mata ki jai ke nare lagate hai wahi ek stree ki izzat Ko pero tale raund diya jata hai😭😢.
Mere baccho mat bhulo ki sainik bina Jaat paat ke seemao ki raksha karte hai nahi kehte ki me sirf apni Jaat ya Dharam ke logo ke liye hi ladunga. Kissan nahi kehta ki me sirf apni Dharam ke logo ke liye hi ann ka utpadan karunga. Mere baccho mat bhulo ” YATRE NARYASTU PUJANTE TATRE RAMANTE DEVTA” atharth Jahan nari Ko Puja jata hai Devta wahi baste hai.

Kaise bhul gaye ki tumhare hi purvajo ne mujhe 200 saal ki gulami ki Zanjeero se mukt karaya. Firangiyo 💂‍♀ne bhi “Divide and Rule” ki neeti ko apna kar mujhe Bandi banaya. Purani galtiyo Ko mat dauhrao warna iss bar meri saanse thum jayengi ..dum ghut jayega. Namo nishaan hi mit jayega Mera. Kya muh dikhaoge aane wali pidiyo ko ki “sone ki chidiya” kehlane wala Desh jis par sabki najar rehti thi wo ab najar hi nahi ata.

Abhi bhi waqt hai aapas me na lad kar , streeyo ka aadar karte hue bhai chaare se ek saath kadam se kadam mila ka har pareshani ka saamne kare aur use suljhaye. Taki fir me sone ki chidiya ban jau.

About the Author
Sheetal Prakash

Facebook page